Kvíabryggja

Hann hefur líklega lært meira af gestunum en þeir af honum :) Það verður allavega heimilislegt hjá honum, verði hann fundinn sekur - hann hlýtur þá að afplána á Kvíabryggju, eða hvað?

Forstöðumaður Kvíabryggju handtekinn

Athugasemdir

[jds (IP-tala skráð) 4.3.2011 kl. 21:30]

ætli hann hafi lært af arna jonsen :)

[Vendetta, 4.3.2011 kl. 22:09]

Aðfarirnar gegn Geirmundi eru nornaveiðar settar í framkvæmd af Páli Winkel, sem sárnar það að Geirmundur hefur staðið fyrir mannúðlegri stefnu gagnvart föngunum, þannig að þeir eru ekki meðgöndlaðir eins og rusl. Þetta brýtur í bága við hugmyndir Páls um að fangelsi landsins eigi að líkjast Auschwitz-Birkenau, eins og Litla-Hraun, þar sem fangaverðir koma fram við fangana eins og untermensch á leið í gasklefana, sem fangelsisyfirvöld eiga að halda áfram að refsa eftir að þeir eru komnir inn. Þetta er ekki gagnrýni á Margréti Frímanns, en því miður ræður þá hún mjög litlu. Á Kvíabryggju fara fangar út sem betri menn en þeir voru áður, en á Litla-Hrauni versna þeir um allan helming. Og þannig vill sveitarfélagið Árborg hafa það, enda lifir sveitarfélagið hátt á fangelsinu: Fangar eiga helzt að koma aftur og aftur.

Það sem Geirmundur hefur gerzt sekur um er tittlingaskítur miðað við allt það góða sem hann og fjölskylda hans hefur staðið fyrir á Kvíabryggju. Ég vil líka vara menn við að trúa einu orði sem sorpblaðið DV skrifar um þetta mál. Skrif þeirra bera þess merki að þeir hafa ekki hugmynd um neinar staðreyndir í málinu. En þeir hafa þegar úthróað Geirmund sem sekan mann, því að rottunum á DV sárnar að Geirmundur hefur ævinlega neitað að veita DV (og Fréttablaðinu) viðtal.

[Ólafur Björn Ólafsson, 5.3.2011 kl. 01:23]

Vendetta virðist þekkja Geirmund miðað við orðin í hans garð... Var kanski Vendetta einhverntímann í gistingu hjá Geirmundi á Kvíjabryggju???

Ég get ekki tjáð mig sjálfur um málið sem slíkt en það vil ég heldur ekki gera hafandi verið alinn upp á Grundarfirði og hafði alltaf litið á Geirmund sem góðann félaga.

Það er hinsvegar svo að ég er sammála Vendettu fyrir þau orð að taka ekki mark á skrifum í DV, enda tek ég öll skrif í því blaði með mikilli varúð...

Kveðja

Kaldi

[Vendetta, 5.3.2011 kl. 03:03]

Ólafur, ef ég skrifa um Alþingi, heldurðu þá að ég hafi einhvern tíma verið alþingismaður? Svarið er nei, og ég hef heldur aldrei verið í fangelsi. Ég þekki ekki Geirmund og fjölskyldu hans persónulega og hef aldrei talað við hann, en ég þekki tvo fanga sem hafa verið á Kvíabryggju og sem þekkja hann að sjálfsögðu vel. Ég hef tvisvar heimsótt þessa fanga (bíldruslan mín þoldi ekki fleiri af svo löngum vegalengdum frá Rvík, enda er ferðin frá Borgarnesi til Vegamóta eins og frá N.Y. til S.F.) og þessir fangar hafa látið mjög vel af Geirmundi og bera mikla virðingu fyrir honum. Einnig bera fangarnir mikla virðingu fyrir fangavörðunum á Kvíabryggju, sem eru eins ólíkir fangavörðunum á Litla-Hrauni og dagur er ólík nótt. Flestir (þó ekki allir) fangaverðir á Litla-Hrauni hafa orð á sér fyrir að vera hrokafullir og ósveigjanlegir gagnvart föngum almennt og þeir fá enga virðingu frá föngum, en fangaverðir á Kvíabryggju eru mennskir. Það er sagt, að fangaverðirnir á Kvíabryggju og Litla-Hrauni séu ósamrýmanlegir, þ.e. geti ekki unnið á sitt hvorum staðnum, geti ekki býttað. Sem er í raun áfellisdómur yfir Lítla-Hrauni.

Eins og öll önnur þjóðfélagsmál, þá læt ég mig fangelsismál varða. Og þar er margur pottur brotinn. T.d. hafa hagsmunapot og aðgerðarleysi komið í veg fyrir að ný miðlungs-öryggisfangelsi hafi verið tekin í notkun og þetta sýnir mjög vel hversu duglausir embættismenn ríkisins og ráðherrar hafa verið. Það er óheyra, að dæmdir ofbeldismenn og innbrotsþjófar gangi lausir ár eftir ár án þess að hægt sé að kalla þá til afplánunar. Það grefur undan allri réttlætiskennd hjá almenningi og það sem verra er, það gefur síbrotamönnum þá vissu að þeir geti haldið áfram með ofbeldis- og auðgunarbrot án þess að það hafi nokkrar afleiðingar fyrir þá sjálfa fyrr en einhvern tíma eftir dúk og disk.

[Ólafur Björn Ólafsson, 5.3.2011 kl. 12:14]

Það er jafnvel verra að hafa verið bendlaður við alþingi en fangelsin nú á dögum Vendetta, en mér dytti ekki í hug að bendla þig við þá stofnun...

Varðandi fangelsismálastofnun almennt þá er þar eins og víða annarsstaðar hagsmunapotið og klíkuskapur ráðandi, vil þó ekki nefna nein einstök tilvik. Tek fram að þetta tíðkast alsstaðar í þjóðfélaginu...

Um Geirmund segi ég svo eins og áður, ég mun ekki tjá mig um málið fyr en ég veit fyllilega hvað er í gangi...

Kaldi

[Eldar & Skuggi ehf, 5.3.2011 kl. 17:18]

nákvæmlega!  Var það ekki einhver rafgeymir sem fór í bílinn hans eða eitthvað álíka.....Ég hef líka bara heyrt vel af Geirmundi látið.  Afhverju er ekki bara skrifstofa sem rekur fangelsin en menn eins og Geirmundur með rafgeymina sína sjá um fangana og betrun þeirra eða refsingu eða hvað sem það nú er....

Það er nú sjaldan þannig að fólk sem hefur hæfileika að díla við annað fólk er ekki endilega skrifstofufólk....ef þið vitið hvað ég á við

[Guðmundur Pálsson, 5.3.2011 kl. 18:51]

Margt gerist í samfélagi okkar af því við erum dofin og heimsk.

Ég vil árétta að bæði Geimundur og Vilhjálmur faðir hans sem rak Kvíabryggju í fjöldamörg ár eru hreinustu afreksmenn í fangagæslu og beturnarmeðferð hér á landi. Þessir menn ættu að fá hæstu viðurkenningu forsetans og þjóðarinnar allrar fyrir störf sín. Þetta eru engin venjuleg afreksstörf og fórnfýsin mikil og langt umfram það sem venjulegt er.

Ég dái þessa menn og hef gert lengi. Ég veit af afrekum þeirra og þetta eru hetjur. Langt umfram venjulegt fólk.

[Vendetta, 5.3.2011 kl. 19:37]

Þarna er ég þér algjörlega sammála, Guðmundur.

[Guðmundur Pálsson, 5.3.2011 kl. 19:48]

Þó segi ég að hver sem er getur gert mistök. Og þess þá heldur ef starfið hefur verið stórt og umfangsmikið og fórnfýsin í garð margra mikil. En eins og ég segi get ég ekki dæmt um þetta mál.

Ekki þarf að fara mörgum orðum um óréttlætið þegar borin er saman staða forstöðumannsins sem strax er sviptur frelsi og þeirra mörgu sem hafa hundraðfalt meira á samviskunni en ganga þó frjálsir í samfélagi okkar. Guð gefi að Geirmundur þessi hafi visku til að bíða þolinmóður og æðrulaus án þess að óttast dóm okkar og annarra.

[Páll (IP-tala skráð) 5.3.2011 kl. 23:54]

Það er ekki hægt að bera saman Litla Hraun og Kvíabryggju eins og um sams konar hlut sé að ræða. Annað er "hágæslufangelsi" en hitt "lággæslu". Auðvitað fá fangar mismunandi meðhöndlun á þessum tveimur stofnunum.

[Vendetta, 6.3.2011 kl. 00:39]

Páll, það afsakar ekki hroka fangavarðanna á Litla-Hrauni.

[Páll (IP-tala skráð) 6.3.2011 kl. 01:43]

Aha, einmitt það. Og þetta hefur þú þá frá föngunum? Þú veist að það eru líka allir saklausir í steininum? Eru þar fyrir misskilning.

[Vendetta, 6.3.2011 kl. 14:54]

Ég þekki fanga bæði á Litla-Hrauni og Kvíabryggju. Ég hef oft farið í heimsókn austur fyrir fjall og fengið lýsingar fanganna á framkomu fangavarðanna. Það þýðir ekki að fangarnir eru saklausir, en það kemur því ekki við að það er ekki hlutverk fangavarðanna að koma illa fram við fangana. En sumir fangaverðir á Litla-Hrauni eru þannig, að um leið og þeir eru komnir í einkennisbúninginn, þá halda þeir að þeir séu yfir alla aðra hafnir, þótt þeir séu í rauninni bara meðaljónar eða varla það. Þessi umbreyting í litla Hitlera gerir þá að lítilmennum. Ath. að þetta á ekki við um alla fangaverðina. Það hefur líka komið fyrir stundum, að starfsmenn Litla-Hrauns hafa komið illa fram við aðstandendur fanga sem koma í heimsókn og það er ófyrirgefanlegt. Það einkennir líka starfsfólk Litla-Hrauns, að ef það gerir mistök, viljandi eða óviljandi, þá getur það ekki beðizt afsökunar, hvorki gagnvart föngum né aðstandendum. Það er furðulegt. Ef einhver rekst í einhvern í Kringlunni, þá er sagt afsakið, en ef komið er ruddalega fram við aðstandanda fanga á Litla-Hrauni, þá er ekkert sagt. Eða ef mistök eru gerð sem bitnar á fanga eða aðstandenda, þá er aldrei sagt: "Okkur varð á þessi mistök, afsakið", heldur aðeins: "Já, já, þetta voru bara mistök."

Og Páll (vonandi ertu ekki Páll Winkel): Er þér alvara með því að sakborningar eigi ekki aðeins að missa frelsið, heldur líka að vera refsað stanzlaust og vera meðhöndlaðir eins og eitthvað rusl á Hrauninu án þess að gefa ástæðu til þess? Ég er viss um að þú óskir eftir fangelsi eins og eru í Colombia eða Surinam? Athugaðu, að skv. íslenzkum refsilögum felst refsingin í frelsissviptingunni og öllu því sem þeirri sviptingu fylgir. Ég vil líka benda á að fyrir flesta sem eru ekki síbrotamenn er fangavistin erfið.

Einhver fyrrverandi fangi (man ekki hvað hann heitir, Baldur minnir mig) lét hafa eftir sér í sorpblaðinu DV til að auglýsa sjálfan sig, að Litla-Hraun væri lúxusstaður, bara af því að hann sjálfur hafði það betra en allir aðrir. Og rottan frá DV var ekkert að hafa fyrir að athuga hvort bullið í þessum manni stæðist skoðun eða fá mótsvar frá Aðstöðu. Enda er DV þekkt fyrir einhliða fréttaflutning, sem ofast byggir á lygum og ýkjum.

Það eru fleiri hundruð dæmdra manna sem ganga lausir vegna dugleysis yfirvalda og sem halda áfram að brjóta af sér. Það er vandamál nr. eitt.

[Páll (IP-tala skráð) 6.3.2011 kl. 17:21]

Ekki er ég Palli Vinkill þó við höfum nú orðið samferða gegnum Menntaskóla.

Og ekki sé ég hvernig þú færð út að ég vilji "refsa föngum stanslaust eða meðhöndla þá eins og rusl". Í máli mínu kemur hvergi fram nokkuð sem kemst nálægt því að réttlæta slíka túlkun. Ég einungis bendi á að þetta eru ekki sambærilegar stofnanir þó báðar flokkist sem fangelsi.

Auðvitað eru fangaverðir misvandaðir líkt og aðrar stéttir. Maður finnur líka hrokafulla og dónalega strætóbílstjóra, lækna, ruslakarla og félagsráðgjafa. Það er örugglega rétt að einhverjir starfsmenn Litla Hrauns hegða sér eins og fífl gagnvart föngum og aðstandendum þeirra.

[Vendetta, 6.3.2011 kl. 18:12]

Nei, það sem ég skrifaði í sambandi við það sem þú gerir athugasemd við kom vitlaust úr pennanum. Þetta átti að vera orðað öðruvísi. Í staðinn fyrir "Er þér alvara með því að sakborningar eigi ekki aðeins að missa frelsið, heldur líka að vera refsað stanzlaust og vera meðhöndlaðir eins og eitthvað rusl á Hrauninu án þess að gefa ástæðu til þess? Ég er viss um að þú óskir eftir fangelsi eins og eru í Colombia eða Surinam?" ætlaði ég að skrifa: "Er það þín skoðun að sakborningar eigi ekki aðeins að missa frelsið, heldur líka að vera refsað stanzlaust og vera meðhöndlaðir eins og eitthvað rusl á Hrauninu án þess að gefa ástæðu til þess? Viltu fangelsi eins og eru í Colombia eða Surinam?

Ég bið forláts á mistökunum