Æðislegt...

Haha, er þetta ekki frábært alveg, ég gæti ekki fundið svona grín upp sjálfur (eða... kannski gæti ég það, en það virðist vera óþarfi þegar fréttamenn sjá um það fyrir mig :)

Svo ég vitni nú í fréttina sjálfa:

"Vísindamenn vara við því að áhrif sólgoss geti gætt á jörðinni fljótlega"
"...en ekki er hætta á ferðum að sögn sérfræðinga..."

Nú spyr maður bara... þarf eitthvað að vara við því sem engin hætta stafar af? Ég vitna nú bara í syni mína af þessu tilefni: "ROFLMAO" :)

Varað við öflugu sólgosi

Og ekki bara það...

...heldur hef ég heyrt að margir Íslendingar hafi undir höndum lista með öllum skráðum símanúmerum samlanda sinna ásamt nafni þeirra og heimilisfangi. Heyrst hefur að óprúttnir aðilar hafi nýtt sér þessar upplýsingar til að ná sambandi við fólk og reynt að pranga inn á það alls kyns varningi á misgóðum kjörum.

Upplýsingafulltrúi Já•is viðurkenndi í viðtali um daginn að upplýsingarnar hafi verið sóttar í gagnagrunn fyrirtækisins og þeim síðan dreift um landið þvert og endilangt, hverjum til kaups sem borga vildi.

Ekki hefur náðst í forstjóra fyrirtækisins, en í yfirlýsingu sem send var frá þeim fyrr í dag kemur fram að hægt hafi verið að nálgast þessar upplýsingar um nokkurt skeið á vefnum ja.is, sem ku vera einhverskonar leitarsíða fyrir upplýsingar af þessu tagi.

Upplýsingar um Facebook-notendur birtar á Pirate Bay

Auðvelt að bæta úr þessu

Bara að setja upp skilti sitt hvoru megin með áletruninni: "ENTER AT YOUR OWN RISK" (má setja þetta á fleiri tungumálum líka til öryggis)... málið dautt...

Ég skal svo taka bara svona eins og 10% af áætlaðri kostnaðaráætlun við úrbætur og allir vinna :)

Hvalfjarðargöng fá falleinkunn

Slæm tíðindi

Nú getur maður étið meira fyrir sama pening, en hefur svo enn síður efni á að kaupa hjól til að brenna öllum þessum mat :þ

Samt er kannski hægt að fá góða hlaupaskó á útsölu?

Matur lækkar, en hjól hækka

Smá misskilningur

Ég las þetta fyrst sem "Guðbjörg skautadrottning". Það hefði nú verið ólíkt áhugaverðari frétt samt :)

Guðbjörg skattadrottning

Nú er ég farinn

...til Katar.

Íslenskir karlmenn ekki lengur langlífastir

Hahaha :)

Hvað um íslenskurnar styttast þær líka, eða lengjast þær kannski í íslensku "hitabylgjunni"?

Annars minnir þetta orðfæri mig á það þegar ég keypti kók í gleri í sjoppu hér um daginn og var spurður "hvort það ætti að opna glerina".

	Frönskurnar verða styttri
Ábyrgðarmaður færslu Tenging við þessa frétt hefur verið rofin vegna kvartana.

Spurning að ráða bara dverga?

Það myndi nú minnka herinn töluvert held ég :)

Bretar þurfa að minnka herinn

Hvað ef...

Hvað ef þeir verða svo vinir í alvöru?
Þarf þá að halda áfram að borga í hvert skipti sem þeir hittast? Fá menn þá vinaafslátt?

Ef það slettist upp á "vinskapinn", er þá endurgreitt, eða þarf að borga aukalega fyrir slíka
þjónustu? Eða þarf bara að borga aukalega fyrir sættirnar?

Allt hljóta þetta að vera atriði sem þarf að hugsa út í áður en menn fara út í svona ævintýri, eða hvað :)

Einmana? Leigðu þér bara vin

Hvað um kartöflur?

Ég er að spá í að sækja um einkaleyfi á einstaklega sniðugri ræktunaraðferð, sem felst í því að maður setur niður kartöflur (eina eða fleiri) og bíður svo tiltekinn tíma og tekur þá upp það sem maður setti niður - lang oftast kemur meira upp en maður setti niður.

Ég hef prófað að rækta kjúklinga með svipuðum hætti, en það gaf síðri raun og reyndar kom í því tilfelli minna upp en ég setti niður :( Ég mæli því ekki með því - en kartöflurnar svínvirka og ef ég fæ einkaleyfi á aðferðinni þá skal ég glaður selja fólki nánari útlistun á aðferðinni. Á sanngjörnu verði að sjálfsögðu.

Tekist á um tómata og spergilkál