Hvers vegna ekki að taka þetta alla leið?

Mér finnst þetta nú vera yfirklór. Ég vil fá DNA greiningu með öllum matvælum svo við getum virkilega borið saman það sem við viljum kaupa.

Hugsið ykkur t.d. ef ég myndi nú t.d. kaupa vangefna gulrót, ég meina er það ekki stórhættulegt? Eða ef nautið sem ég kaupi kunni ekki að hlaupa? Ætli það sé ekki smitandi?

Hættum svona hálfgildings aðgerðum og göngum alla leið einu sinni.

Það vita það allir sem vilja vita að erfðabreytt matvæli eru stórhættuleg, alveg svona álíka hættuleg og Færeyska lambakjötið, sem allir vita að er stórkostlega erfðabreytt frá þeim stofni sem það var upphaflega frá.

Ég meina... eru ekki 2 erfðabreyttir stofnar í Færeyjum? Annar með styttri hægri fætur, af því að þær ganga réttsælis um eyjarnar og svo hinar með styttri vinstri fætur af því þær ganga rangsælis. Ekki vil ég borða kjöt af svoleiðis erfðaslysum.

Nei takk við Færeysku lambakjöti! Nei takk við erfðabreytingum!

Skylda að merkja sérstaklega erfðabreytt matvæli

Ein spurning

Getur maður fengið myndina úr þessum hraðamyndavélum til að endurnýja ökuskírteinið? Það myndi nú spara einhverja þúsundkalla ef maður á ekki lengur passamyndir.

Um 250 myndaðir í hraðamyndavélum

Forréttindi kvenna

...koma þarna berlega í ljós. Ég er ekki að fara að sjá að einhver strákur geti selt sveindóminn á neinu viðlíka verði :(

Því miður lét ég minn af hendi borgunarlaust, enda reyndar eBay ekki orðið til þá heldur. Annars hefði ég alveg örugglega verið til í að selja hann - jafnvel ódýrar en þessi stúlka...

Ég vona bara að henni gangi sem best og að hún fái sem mest fyrir þetta.

Selur meydóminn til bjargar heimilinu

Eða bara...

...að sleppa menningarkvöldinu og halda flugeldasýningunni. Það mætti þá jafnvel gera hana enn veglegri en nokkurntíma áður og samt spara helling :D ...svona ef menn eru bara að hugsa um sparnað.

Flugeldasýningin bruðl?

Klónað kjöt

Ég bíð spenntur eftir því að hægt verði að fá klónað kjöt af nauti. Þá erum við að tala saman :)

Kjöt af klónuðu nauti á markað

Æðislegt...

Haha, er þetta ekki frábært alveg, ég gæti ekki fundið svona grín upp sjálfur (eða... kannski gæti ég það, en það virðist vera óþarfi þegar fréttamenn sjá um það fyrir mig :)

Svo ég vitni nú í fréttina sjálfa:

"Vísindamenn vara við því að áhrif sólgoss geti gætt á jörðinni fljótlega"
"...en ekki er hætta á ferðum að sögn sérfræðinga..."

Nú spyr maður bara... þarf eitthvað að vara við því sem engin hætta stafar af? Ég vitna nú bara í syni mína af þessu tilefni: "ROFLMAO" :)

Varað við öflugu sólgosi

Vinnuvikan...

Ef vinnutíminn yrði lengdur í 10 tíma á dag, þá næðum við 40 tímum á 4 dögum og gætum átt 3ja daga helgar um hverja helgi.

Pæliðíðí...

Og ekki bara það...

...heldur hef ég heyrt að margir Íslendingar hafi undir höndum lista með öllum skráðum símanúmerum samlanda sinna ásamt nafni þeirra og heimilisfangi. Heyrst hefur að óprúttnir aðilar hafi nýtt sér þessar upplýsingar til að ná sambandi við fólk og reynt að pranga inn á það alls kyns varningi á misgóðum kjörum.

Upplýsingafulltrúi Já•is viðurkenndi í viðtali um daginn að upplýsingarnar hafi verið sóttar í gagnagrunn fyrirtækisins og þeim síðan dreift um landið þvert og endilangt, hverjum til kaups sem borga vildi.

Ekki hefur náðst í forstjóra fyrirtækisins, en í yfirlýsingu sem send var frá þeim fyrr í dag kemur fram að hægt hafi verið að nálgast þessar upplýsingar um nokkurt skeið á vefnum ja.is, sem ku vera einhverskonar leitarsíða fyrir upplýsingar af þessu tagi.

Upplýsingar um Facebook-notendur birtar á Pirate Bay

Auðvelt að bæta úr þessu

Bara að setja upp skilti sitt hvoru megin með áletruninni: "ENTER AT YOUR OWN RISK" (má setja þetta á fleiri tungumálum líka til öryggis)... málið dautt...

Ég skal svo taka bara svona eins og 10% af áætlaðri kostnaðaráætlun við úrbætur og allir vinna :)

Hvalfjarðargöng fá falleinkunn

Slæm tíðindi

Nú getur maður étið meira fyrir sama pening, en hefur svo enn síður efni á að kaupa hjól til að brenna öllum þessum mat :þ

Samt er kannski hægt að fá góða hlaupaskó á útsölu?

Matur lækkar, en hjól hækka